بعض الأسئله و أجوبتها

1- ليه بشوف بيانات ناس تانيه لما بسجل؟

يوجد نوعين من التسجيل

  1. تسجيل تجريبي (يحتوي على اعضاء وبيانات كامله و لكنها غير حقيقيه) وبتوضح كيفيه استخدام البرنامج و امكانياته علشان لو لقيته مناسب تبداء تسجل حساب دائم.
  2. تسجيل دائم وده الى هتستخدمه فى ادخال بيانات خدمتك.

2- تطبيق الموبايل بطيئ احيانا في تحميل البيانات ولا يعمل بدون انترنت هل في حل للمشكله ده؟

يتم حاليا تطوير التطبيق الخاص بالموبايل لتحسين سرعه تحميل و عرض البيانات و قريبا سوف يتاح بعض الخصائص بدون انترنت مثل اللأعضاء و البحث بالأسماء و كذلك الحضور و الغياب. تابعنا فى أخر التحديثات.

3- هل ممكن ادخل بياناتي من ملف اكسيل؟

طبعا ممكن بسهوله من خلال إدخال بيانات من ملف اكسيل الموجود فى القائمه الرئيسيه. كما يمكنك ايضا تحديث بيانات الأعضاء و يوجد تعليمات لتسهيل اضافه البيانات من اكسيل بسهوله داخل البرنامج.

4- هل ممكن ادخل خدام معايا يساعدوني فى الإفتقاد و تسجيل الحضور؟

طبعا ممكن و ده هدف البرنامج انك تضيف خدام من صفحه الأعضاء ثم اضافه المستخدمين من صفحه الإعدادات/مستخدمين و يمكنك اضافه اى عدد من الخدام كل واحد له بريد الكتروني و كلمه سر خاصه و ممكن تديله دور مدير او مسجل حضور.

5- انا خادم مسؤول عن كذا خدمه منفصله تماما, هل ممكن اضيفهم على البرنامج بنفس الحساب الى مسجل بيه (البريد الإلكتروني) ؟

فى التحديث الجديد (سبتمبر 2018) اصبح ممكن يكون عندك اكثر من خدمه منفصله على نفس الحساب  مثل اجتماعين او اكثر و في حاله انك اب اعتراف ممكن يكون عند خدمه إعتراف و مسؤول عن كذا اجتماع أخر. قريبا ممكن تضيف معاك خدام لديهم حساب بالبرنامج و بيستعملوه فى إداره خدمات اخري.

6- انا مش شايف البرنامج متاح على Google Play, ليه؟

البرنامج حاليا متاح على اندرويد 5 و الأحدث.

7- فيه مشاكل بتحصل معايا وانا شغال, اعمل ايه؟

لو سمحت بلغنا على Website chat او WhatsApp او فيسبوك و هيتم حل المشكله فى اقرب وقت.

8- البرنامج فيه امكانيات كثيره بس انا مش محتاجها كلها, اعمل ايه؟

بسهوله من خلال صفحه الإعدادات يمكنك إيقاف او تشغيل اي خاصيه فى البرنامج فى اي وقت وبدون التأثير علي البيانات.

9- البرنامج رائع بس فيه حاجات احنا محتاجنها مش موجوده فى البرنامج, هل ممكن تضيفوها و هل لها تكلفه؟

البرنامج اتبني علي احتياجات الخدام فى الخدمه و علشان كده كل الإقتراحات مهمه واحنا دايما بنرتب الأولويات علي حسب الإحتياجات. تقدر تتواصل معانا و تقولنا الطلبات واحنا هنرد عليك بسرعه. جميع التحديثات مجانيه. للمزيد من التفاصيل عن التحديثات التى تمت و التحديثات القادمه إضغط هنا

10- ليه بتخزنو البيانات فى Cloud و مش بيشتغل Offline علشان سريه البيانات ؟

البرنامج متاح منه نسخه تقدر تنزلها على الحاسب الشخصي او سيرفر الكنيسه و النسخه ده ليست مجانيه و معاها دعم خاص ممكن تتواصل معانا علشان تعرف التفاصيل.

مشكله النسخه الOffline انك مش هتقدر تضيف معاك خدام علشان مش هيعرفو يدخلو على البرنامج او هتنزلها علي سيرفر الكنيسه و ده محتاج إنك تأمن شبكه الكنيسه كويس ويكون سرعه الإنترنت كويسه. كمان بيبقى مش بسهوله الحصول على التحديثات الى بتنزل بصفه دوريه علشان مش متصل بالإنترنت وكمان تطبيق الموبيل مش متاح للنسخه ده علشان مش هيعرف يتصل بالكمبيوتر الى منزل عليه البرنامج.

11- انتم مين و ازاي اقدر اطمن على البيانات؟

احنا شركه برمجيات فيها مجموعه من الخدام و بنعمل برامج مستخدمه فى الخدمه من زمان و ChMeetings مستخدم من قبل كنائس كبري منذ 2013 و احنا يهمنا جدا امن بيانات ولادنا علشان كده بنعمل كل الى نقدر عليه للمحافظه على سريه و امان المعلومات
احنا كمان عاملين مواقع تانيه فى الخدمه زى AnbaAbraam.com.

لمعلومات اكثر, اضغط على من نحن او اتصل بنا علي 01286400958.

12- البرنامج رائع, ايه مصدر تمويلكم و ازاي ممكن اساعد؟

البرنامج تم تطويره و دعمه بواسطة شركة Jios Development ,و تم بذل مجود كبير جداً من قبل فريق العمل لينتج هذا البرنامج الرائع و مازلنا مستمرين و لدينا العديد من الخطط المستقبلية لجعله أكثر فائدة و فعالية فى الخدمة.
يمكنك المساهمه معنا بعده طرق موضحه فى الرابط. ساهم معنا